王祖藍認與私生女9成似
王祖藍與張繼聰(阿聰)為新片《怪獸大學》配音,昨午二人更到主題公園落力宣傳。由於近日網絡突然瘋傳一張小女生萌照,相中小女生被指激似祖藍,不少圈中人轉發留言,祝賀祖藍「添丁」之喜。記者談起「私生女」一事,祖藍不怒反笑,還幽自己一默謂:「起碼似足9成,我諗自己生都冇咁似。(聯絡佢?)都有興趣o架,想知佢係乜人,不過就驚真係搵到血緣關係,發現咗啲秘密就唔好啦。」
而祖藍與阿聰分屬大學同學,求學時已經常拍住上搵外快,今次合作默契十足,祖藍更當面指阿聰為「怪獸家長」﹕「佢個仔竟然識得講『我靚仔過我爸爸』。」阿聰聞言照單全收,還踢爆囝囝不時有「艷遇」:「我係怪獸家長,做唔到嘅嘢都叫下一代去做,例如我個仔識得黐埋萬綺雯、許亦妮啲靚女度,有次許亦妮問佢可唔可以錫一啖,我個仔竟然答佢:『咁你錫咗我爸爸先啦』。」
沒有留言:
張貼留言